Er du student?
Er du nettstudent eller studerer ved ein høgskule? Austevoll folkebibliotek legg til rette for at studentar kan bruke lokalet til gode arbeidsøkter, i tillegg til at me tilbyr ulike tenester knytt til studiane.
Austevoll folkebibliotek kan hjelpe studentar med desse tenestene:
- Eit lokale med internett og straumuttak
- Skjermar med HDMI-tilkobling
- Kjelderettleiing
- Vise korleis studentane sjølv kan bestilla aktuelt fysisk materiale, eller bistå med innlån av faglitteratur/pensumlitteratur
- Peike på nyttige nettressursar og vegvisarar
- Som student kan du med Nasjonalt lånekort få tilgang til meirope bibliotek i Austevoll folkebibliotek
- Tilgang til skrivar frå biblioteket sine publikumsmaskiner
- Biblioteket tilbyr gratis kaffi/te til studentar som vil sitte og jobbe i biblioteklokalet
Her har vi samla nokre gode nettressursar:
Oria Søk i norske fag- og forskingsbibliotek sine samlingar. Logg på med din studentbrukar (Feide) for bestilling og tilgang til digitale ressursar
Kildekompasset Korleis referera til og vurdera kjelder
Zotero Gratis referansehandteringsverkty
Idunn Norske fag- og forskingstidsskrift. Mykje er ope tilgjengeleg, men for å få tilgang til alt må du gå via nettsidene til din studieinstitusjon
Spør ein bibliotekar (Høgskulen på Vestlandet)
Nettbiblioteket Søk i Nasjonalbiblioteket sine digitale samlingar
Hugs i tillegg at alle universitets- og høgskulebibliotek har svært mykje relevant informasjon på sine nettsider.
Ta kontakt om du har spørsmål om folkebiblioteket som ein studiestad.