«Kvinna ved havet»

«I biletspelet Kvinna ved havet får du møta ei av våre staute formødre, Synneva Hevrøy (f. 1920) frå Austevoll i Hordaland. Ho fortel levande og nært om barndom, oppvekst og om livet som fiskarkone ute på øyane ved havet, eit liv heilt avhengig av sjøen og båten. Ho og søstera gifta seg med to brør ute på Fugløy, heilt vest i havet i Austevoll. Utan elektrisitet og telefon, og første tida utan motorbåt, budde dei der ute, dreiv gard og heimefiske, og tok seg av alt som skulle gjerast medan karane var av garde på fiske månadsvis i gongen.