Romanen Hollendaren av Johan Tufteland er ei kulturhistorisk skildring om Adrian, som er einaste overlevande i byen Veere då havet fløymer over dikene i Holland. Han mønstrar på ei skute som forliser utanfor Austevoll. Adrian klorar seg fast i skipsrattet og rek inn i Kyrkjevika på Stolmen kring år 1700. Her vert han funnen av Anna som tek han med heim i Stolmastova (denne står no på Sunnhordland museum i Leirvik). Adrian busette seg på Adriansneset på Gåsneset, sør på Stolmen. Her kan me framleis finne restar frå huset hans. Hollendaren er ei dramatisk og poetisk forteljing frå kystkulturen vår.
Hollendaren kan lånast på Austevoll folkebibliotek. Reserver boka ved å fylgja denne linken https://austevoll.bib.no. Nasjonalbiblioteket har digitalisert boka og den kan lesast på nett. Fylg denne linken www.nb.no
Eit utsnitt av Hollendaren er med i boka Johan Tufteland Dikt og prosa i utval som kan kjøpast med Vipps på biblioteket.
Tekst av Jan T. Tufteland
Biblioteket kan røpa at det vil koma fleire nyhende om Johan Tufteland framover. Eit upublisert manuskript har dukka opp og vil etter kvart bli tilgjengeleg på biblioteket. Manuskriptet er ei fortsetjing på Hollendaren. Det vil også koma eit arrangement om Johan Tufteland etter sommaren. Fylg med på Austevoll folkebibliotek sine nettsider og fylg oss på sosiale medier.
